Logo

ფრანგული ენა ქართველი ბავშვებისთვის 10 საჯარო სკოლაში

24.12.2012
ფრანგული ენა ქართველი ბავშვებისთვის 10 საჯარო სკოლაში
ფრანგული და ფრანგულ-ქართული ორგანიზაციები ერთიანდებიან ფრანგული ენის სწავლების მხარდასაჭერად


ქალბატონმა თამარ სანიკიძემ, საქართველოს განათლებისა და მეცნიერების მინისტრის პირველმა მოადგილემ, ბატონმა ჟაკ ფლორიმ, საქართველოში ფრანგული ენის სწავლების ხელშეწყობისა და განვითარების ფონდის პრეზიდენტმა და ბატონმა ჟილ კარასომ, საქართველოს ფრანგული ინსტიტუტის დირექტორმა, ხელი მოაწერეს შეთანხმებას თანამშრომლობის შესახებ, რომელიც ითვალისწინებს აღნიშნული ფონდის მიერ საქართველოს 10 საჯარო სკოლაში დაწყებით საფეხურზე, მე-3-დან მე-6 კლასის ჩათვლით, ფრანგული ენის სწავლების დაფინანსებას. პროგრამის დანერგვა 2013 წლის იანვრიდან დაიწყება შემდეგ სკოლებში :

ქ. თბილისის მე-14, 85-ე, 88-ე, 124-ე, 151-ე და 155-ე საჯარო სკოლა
ქ. ფოთის მე-5 საჯარო სკოლა
ქ. ქუთაისის 25-ე საჯარო სკოლა
ქ. გურჯაანის 1-ლი საჯარო სკოლა

აღნიშნული ფონდი შეიქმნა საფრანგეთის ელჩის, ბატონი რენო სალენსის ინიციატივით და მისი საპატიო თავმჯდომარეა საქართველოს პირველი ლედი, ქალბატონი სანდრა ელისაბედ რულოვსი. ამ ეტაპზე ფონდის დონორად უკვე გვევლინება « სავაჭრო სამრეწველო პალატა – საფრანგეთი-საქართველოს » წევრი 23 საწარმო და ორგანიზაცია. ფონდის მხარდაჭერა შეუძლია ყველა იმ ორგანიზაციასა თუ კერძო პირს, რომელსაც სურვილი ექნება, დაეხმაროს საქართველოში ფრანგული ენის სწავლების განვითარებას.

აღნიშნული პროგრამა ხორციელდება ერთობლივად საქართველოს განათლებისა და მეცნიერების სამინისტროსა და საქართველოს ფრანგული ინსტიტუტის (ყოფილი ალექსანდრე დიუმას სახ. ფრანგული კულტურის ცენტრი) მიერ.

პროგრამის ოფიციალური პრეზენტაცია გაიმართა საქართველოს პირველი ლედის, ქალბატონი სანდრა ელისაბედ რულოვსის, საქართველოს განათლებისა და მეცნიერების მინისტრის, ბატონი გიორგი მარგველაშვილის, საქართველოს საგარეო საქმეთა მინისტრის, ქალბატონი მაია ფანჯიკიძის და ფრანგი სენატორის, ქალბატონ ნატალი გულეს თანდასწრებით, 2012 წლის 17 დეკემბერს, საფრანგეთის ელჩის რეზიდენციაში.

ფონდის მხარდამჭერი საწარმოები და ორგანიზაციები

კომპანია «შატო მუხრანი», კომპანია «ჯი-ვი-ეს», სავაჭრო სამრეწველო პალატა – საფრანგეთი-საქართველო, ბანკი «რესპუბლიკა» - ჯგუფი «სოსიეტე ჟენერალი», კასტელ საქართველო, ლაბორატორია «სერვიე», Alliance Georgia, მაფ კარფურ საქართველო, ლაქტალის ჯორჯია, პაბლისის ჰეპტა, SADE Georgia, გრას სავუა ჯორჯია, კომპანია «სისტრა რენტალსი», კაფეტერიების ქსელი «ანტრე», Mindstream Ltd, პრიმამედი, ინტერტექნიქსი, ტურისტული კომპანია «პრომეთეა ვოიაჟი», SICPA Security Solutions, ჯი-პი-აი ჰოლდინგი, ნოდია და პარტნიორები.


<< უკან დაბრუნება
საინფორმაციო ბიულეტენი
სახელი:
ელ.ფოსტა:
ჩვენი პარტნიორები
  • NafNaf
  • პროვანსი
  • ADress
  • Franck Provost
  • Cafe Cinéma
  • კარფური
  • Georgian Wines & Spirits
  • Kookai
  • კულინარიუმი
  • Café Discovery
  • Yves Rocher
  • Société Générale
  • Tartine
  • Château Mukhrani
  • Pepela
  • JB Martin


Institut Français de Géorgie © 2014
შემოგვიერთდით !